टी–२० विश्वकपमा आज श्रीलंका–इङ्गल्याण्ड तथा भारत–दक्षिण अफ्रिका भिड्दै

काठमाडौँ । भारत र श्रीलंकाको संयुक्त आयोजनामा भइरहेको टी–२० विश्वकपमा शनिबारदेखि सुपर आठका खेलहरू शुरू भएका छन् । शनिबारको पहिलो खेल नतिजाविहीन भएको छ । खराब मौसमका कारण पाकिस्तान र न्यूजिल्याण्डबीचको खेल नतिजाविहीन भएको हो । एक बल पनि नखेली खेल रद्ध भएको हो । कोलम्बोमा हुनुपर्ने खेल वासआउट भएसँगै दुवै टिमले समान एक अंक जोडेका छन् । 

पाकिस्तान र न्यूजिल्याण्ड सुपर आठको समूह २ मा रहेका छन् । यो समूहमा इङ्गल्याण्ड र श्रीलंका पनि रहेका छन् । इङ्गल्याण्ड र श्रीलंकाबीचको खेल आज दिउँसो ३ः१५ बजे शुरू हुनेछ । यो खेल श्रीलंकाको पल्लेकेलेमा हुनेछ । सुपर आठको समूह १ मा भारत, दक्षिण अफ्रिका, जिम्बाब्वे र वेष्ट इन्डिज रहेका छन् । आजको दोस्रो खेलमा बेलुकी ७ः१५ बजे भारत र दक्षिण अफ्रिका खेल्नेछन् । यो खेल भारतको अहमदाबादमा हुनेछ । 

• आइत, १० फागुन २०८२