काठमाडौँ । यस साता नेप्से परिसूचक ०.५६ अंकले घटेर २७१४.०५ विन्दुमा आईपुगेको छ । गत साता २७१४.६१ विन्दुमा बन्द भएको नेप्से यो साता ७३.१८ अंक घटेर २७१४.०५ विन्दुमा पुगेको हो । यस साता पाँच कारोबार दिन बजार खुलेको थियो । जसमा तीन कारोबार दिन नेप्से घटेको थियो भने एक कारोबार दिन बढेको थियो । 

यस साता औसतमा १४ अर्ब ७ करोड ३१ लाख रुपैयाँको कारोबार भएको छ । आइतबार १३ अर्ब ७८ करोड ५७ लाखको सेयर कारोबार भएकोमा सोमबार १६ अर्ब ३५ करोड ५७ लाखको र मंगलबार १४ अर्ब १६ करोड ७१ लाखको कारोबार भयो । यस्तै, बुधबार ११ अर्ब ४९ करोड ३९ लाखको र बिहीबार १४ अर्ब ५६ करोड ३१ लाखको सेयर कारोबार भयो ।

साताको पहिलो कारोबार दिन नेप्से ५७.५५ अंकले बढेर २७७२.१७ को विन्दुमा कायम भएको थियो । त्यस दिन नेप्सेमा कारोबार भएको ३३१ कम्पनीको ३ करोड ९ लाख १५ हजार १८३ कित्ता सेयर किनबेच हुँदा १३ अर्ब ७८ करोड ५७ लाख रुपैयाँ माथिको कारोबार भएको थियो । 

साताको दोस्रो कारोबार दिन नेप्से ३।०७ अंकले घटेर २७६९.०९ को विन्दुमा कायम भएको थियो । त्यस दिन नेप्सेमा कारोबार भएको ३३२ कम्पनीको ३ करोड ६२ लाख ६४ हजार ८७३ कित्ता सेयर किनबेच हुँदा १६ अर्ब ३५ करोड ५७ लाख रुपैयाँ माथिको कारोबार भएको थियो ।