केराको मूल्यमा ‘बिचौलिया खेल’, न्यूनतम समर्थन मूल्य तोक्न किसानको माग

काठमाडौँ । नेपाल केरा उत्पादक महासंघ ले केराको न्यूनतम समर्थन मूल्य तोक्न सरकारसँग माग गरेको छ । मंगलबार आयोजित पत्रकार सम्मेलनमार्फत् महासंघले किसानलाई उचित मूल्य सुनिश्चित गर्न यस्तो व्यवस्था आवश्यक रहेको जनाएको हो । महासंघका अनुसार बजारमा अहिले केराको खुद्रा मूल्य प्रतिदर्जन ३५०–४०० रुपैयाँसम्म पुगेको छ । तर किसानले बारीमै स्थानीय ‘मालभोग’ केरा ७०–८५ रुपैयाँ र हाइब्रिड जात ५०–६० रुपैयाँमै बेच्न बाध्य छन् ।

यस अवस्थाले उपभोक्ता महँगो मूल्य तिर्न बाध्य हुँदा किसानले उचित आम्दानी नपाएको देखिएको महासंघको भनाइ छ। बजारमा बिचौलियाको अत्यधिक हस्तक्षेपका कारण मूल्य असन्तुलन बढेको उनीहरूको निष्कर्ष छ । महासंघले कृषि बीमा प्रणालीलाई सरल, छिटो र प्रभावकारी बनाउन तथा गुणस्तरीय टिसुकल्चर बिरुवा उपलब्ध गराउन पनि सरकारसँग माग गरेको छ ।

एक्सप्रेस

सम्बन्धित खबर

सुनको मूल्यमा गिरावट, सोमबार प्रतितोला कति ?

काठमाडौँ । नेपाली बजारमा आज सुनको मूल्य घटेको छ । सुन तोलामा एक हजार ९०० रुपैयाँले ओरालो लागेको हो । नेपाल सुनचाँदी ब्यवसायी महासंघका अनुसार आज सुन प्रतितोला दुई लाख ४२ हजार ७०० रुपैयाँ कायम भएको छ ।

बक्यौता तिर्न नआउने उद्योगमा जतिबेला पनि लाइन काटिन सक्छ : प्राधिकरण

काठमाडौँ । डेडिकेटेड फिडर र ट्रंक लाइन मार्फत विद्युत उपभोग गरेका र बक्यौता रकम तिर्न अटेर गरिरहेका उद्योगहरुमा नेपाल विद्युत प्राधिकरणले जतिबेला पनि लाइन काट्न सक्ने जनाएको छ । प्राधिकरणका कार्यकारी निर्देशक मनोज सिलवालले बक्यौता बापतको किस्ता तिर्न...