दानबहादुर कार्कीको रिटमा कात्तिक ३० गते सुनुवाइ हुने

काठमाडौँ । प्रहरी महानिरीक्षक आईजीपी पदबाट हटाउने सरकारको निर्णयविरुद्ध दानबहादुर कार्कीद्वारा दायर रिट निवेदनमाथि आगामी कात्तिक ३० गते सर्वोच्च अदालतमा सुनुवाइ हुने भएको छ। सरकारले आफूलाई गैरकानुनी रूपमा पदबाट हटाइएको दाबीसहित कार्कीले सर्वोच्चमा रिट दर्ता गराएका हुन्। सरकारको उक्त निर्णय बदर गरी आफूलाई आईजीपी पदमै पुनर्बहाली गर्नुपर्ने उनको प्रमुख माग रहेको छ।

कार्कीका तर्फबाट अधिवक्ता टिकाध्वज कुँवरले शुक्रबार सर्वोच्च अदालतमा उक्त रिट दर्ता गराएका हुन्। सरकारले कुनै पनि कानुनी आधार र प्रक्रिया पूरा नगरी आफूलाई पदबाट हटाएको तथा स्पष्टीकरण र सुनुवाइको उचित अवसरसमेत नदिएको उनको जिकिर छ।