प्रचण्ड, रवि र बालेनलाई कारवाही गर्नुपर्छ : महेश बस्नेत

काठमाडौँ । नेकपा एमालेका नेता महेश बस्नेतले माओवादी केन्द्रका संयोजक प्रचण्डमाथि अनुसन्धान गरेर कारवाही हुनुपर्ने बताएका छन् । शुक्रबार पार्टीको केन्द्रीय कमिटी बैठकमा धारणा राख्दै बस्नेतले प्रचण्डका साथै रवि लामिछाने र बालेन शाहमाथि अनुसन्धान गरेर कारवाही हुनुपर्ने बताएका हुन् । जेनजी आन्दोलनमा उनीहरुको भूमिका शंकास्पद देखिएकाले अनुसन्धान हुनुपर्ने उनले बताए ।

बस्नेतले जेनजी आन्दोलनलाई हस्तक्षेप गर्दै अपराधिक गतिविधि भएको जिकिर गरे । मुलुकको राष्ट्रिय स्वाधीनतनाका साथै विकास र समृद्धिमा एमालेले खेलेको भूमिका कारण आफुहरुमाथि सवै भन्दा बढी आक्रमण भएको उनले बताए । सरकारले राजनीतिक दलका नेताहरुलाई भ्रष्टाचारको अभियोग लगाएर निर्वाचनमा उठ्न नदिने षडयन्त्र गरिरहेकाले त्यसका बिरुद्ध सडक संघर्ष गर्नुपर्नेमा आफुले जोड दिएको उनले बताए ।

पार्टी भित्र एकताको आवश्यक रहेको र अध्यक्ष केपी ओलीको बिकल्प खोज्न नहुने आफुले धारणा राखेको उनको भनाइ छ ।

• शुक्र, ३१ असोज २०८२