नजिकिँदै ट्रम्पको ‘होर्मुज अल्टिमेटम’, देखिएन इरानको सहमतिको संकेत

काठमाण्डौँ । अमेरिकी राष्ट्रपति डोनल्ड ट्रम्पले पाँच सातादेखि जारी इरान विरुद्धको अमेरिकी इजरेली युद्धका क्रममा पटकपटक समयसीमाहरू तोके, मागहरू प्रस्तुत गरे र धम्कीहरू दिए। तर विरलै ती यति स्पष्ट थिए । इरान विरुद्धको नयाँ चरणको हमला विनाशकारी हुने छ ।  चार घण्टाभित्र उक्त राष्ट्रको हरेक पुल र पावर प्लान्ट “ध्वस्त” हुनेछन् ।

“निकै थोरै कुरा मात्र सीमाभन्दा बाहिर छ,” ट्रम्पले सोमवार भने। उनका अनुसार यस्तो नियतिबाट बच्न इरानले “उनलाई स्वीकार्य हुने” सम्झौता गर्नुपर्छ र त्यो सम्झौतामा होर्मुज स्ट्रेट हुँदै “तेलको निर्वाध ओसारपसार” हुने कुरा पनि समावेश भएको हुनुपर्छ । अन्तिम घडीहरू बितिरहँदा इरान ट्रम्पको समयसीमामा सहमत हुन तयार छ भन्ने कुराको सङ्केत कमै देखिएको छ । उनीहरूले अस्थायी युद्धविराम अस्वीकार गरेका छन् र आफ्ना मागहरूको सूची जारी गरेका छन्। ती मागहरूलाई एक अमेरिकी अधिकारीले “अतिवादी” भनेका छन् । यसले अमेरिकी राष्ट्रपतिलाई अप्ठेरोमा पारेको छ। कुनै सम्झौता नभएमा ट्रम्पले तीन सातामा चौथोपटक आफ्नो समयसीमा बढाउन सक्छन् ।

• मङ्गल, २४ चैत २०८२