उत्तम–निरुता फेरि सँगै, ‘सारथी’को छायांकन म्याग्दीबाट सुरु हुँदै

काठमाडौँ । निर्देशक कुमार गजुरेलको पहिलो निर्देशनमा बन्न लागेको फिल्म ‘सारथी’को शुभमुहूर्त सम्पन्न भएको छ । काठमाडौँस्थित भद्रकाली मन्दिरमा पूजा गरी निर्माण टिम छायांकनका लागि म्याग्दी पुगेको हो ।

वैशाख ९ गतेदेखि गुर्जा खानी आसपासका क्षेत्रमा करिब ४० दिनसम्म छायांकन गरिनेछ । यो फिल्ममार्फत लामो समय सम्पादन क्षेत्रमा काम गरेका तारा थापा निर्माता रूपमा प्रस्तुत हुँदैछन् ।

फिल्मको विशेष आकर्षण भने उत्तम प्रधान र निरुता सिंहको करिब दुई दशकपछि पुनर्मिलन हो । निरुता मुहूर्त कार्यक्रममा सहभागी भइसकेकी छिन् भने उत्तम वैशाख १५ गते नेपाल आएर छायांकनमा जोडिने तयारीमा छन् । सिनेमामा उत्तम र निरुतासहित मुकुन्द श्रेष्ठ, सम्रान्त थापा, गिरी विश्वकर्मा, गायत्री जोशी, मदन थापा, मिलन खड्का, रश्मी गुरुङ, तुलसी राई, आशा विश्वकर्मा लगायतका कलाकारको अभिनय रहनेछ । निर्माण टिमले ‘सारथी’ मार्फत नयाँ कथा र फरक स्वादका साथ दर्शकमाझ प्रस्तुत हुने विश्वास व्यक्त गरेको छ ।