हेटौंडा । बागमती प्रदेशमा नयाँ सरकार गठनका लागि राजनीतिक दलहरूले आपसी छलफल र कूटनीतिक पहललाई तीव्र तुल्याएका छन् । नेपाली कांग्रेस नेतृत्वको वर्तमान सरकारबाट नेकपा एमालेले समर्थन फिर्ता लिएपछि सिर्जना भएको राजनीतिक गतिरोध अन्त्यका लागि प्रमुख दलहरू आआफ्नो नेतृत्वमा सरकार बनाउने गृहकार्यमा जुटेका हुन् ।

नयाँ सत्ता समीकरणका लागि एमाले र नेपाली कम्युनिस्ट पार्टी ९नेकपा० बिच सत्ता साझेदारी गर्ने प्रारम्भिक सहमति भइसकेको छ। सोही सहमति अनुसार स्पष्ट बहुमत जुटाउनका लागि अन्य साना दलहरूसँग पनि वार्ता अघि बढाइएको एमाले संसदीय दलका प्रमुख सचेतक एकालाल श्रेष्ठले जानकारी दिए।