काठमाडौँ । नेपाल पानी उद्योग महासंघले प्रशोधित पिउने पानीको मूल्यमा वृद्धि गर्ने निर्णय गरेको छ । महासंघका अनुसार, कच्चा पदार्थको मूल्यमा भएको वृद्धि र ढुवानी खर्चको बढोत्तरीले पुरानै मूल्यमा उद्योग सञ्चालन गर्न असम्भव भएको छ ।

हालका कच्चा पदार्थ—जस्तै बोतल, क्याप, र्‍यापिङ रोल, जार र जार क्याप—लगायतका सामग्रीको मूल्यमा करिब ४० प्रतिशतको वृद्धि भएको आज जारी गरिएको प्रेस विज्ञप्तिमा उल्लेख छ । यसका साथै, पेट्रोलियम पदार्थको मूल्यवृद्धिका कारण ढुवानी खर्च पनि बढेको जनाइएको छ । विश्व बजारमा आएको अस्थिरता, विशेषतः इरान–इजरायल र इरान–अमेरिका सम्बन्धका कारण नेपालका पानी उद्योगहरू प्रत्यक्ष प्रभावित भएको महासंघले जनाएको छ ।