काठमाडौँ । राष्ट्रिय स्वतन्त्र पार्टी रास्वपाका सभापति रवि लामिछाने र वरिष्ठ नेता बालेन्द्र शाह बालेन पार्टीका नवनिर्वाचित सांसदका लागि आजदेखि सुरु भएको अभिमुखीकरण कार्यक्रमको उद्घाटन सत्रमा अनुपस्थित रहेका छन् । ललितपुरको ग्वार्कोस्थित रोयल टुलिप होटलमा आयोजित उक्त कार्यक्रममा दुवै शीर्ष नेता पूर्वनिर्धारित कार्यतालिका अनुसार सहभागी हुनुपर्ने भए पनि उनीहरू उद्घाटन सत्रमा उपस्थित हुन सकेनन् ।

पार्टीका उपसभापति डीपी अर्यालका अनुसार सभापति लामिछाने स्वास्थ्य समस्याका कारण उद्घाटन सत्रमा आउन नसकेको बताएका छन्। यस्तै, वरिष्ठ नेता बालेन्द्र शाह पनि स्वास्थ्य र व्यस्तता दुवै कारण कार्यक्रममा सहभागी हुन नसकेको जनाइएको छ । यद्यपि, अभिमुखीकरण कार्यक्रमको समापन सत्रमा भने सभापति लामिछानेले सम्बोधन गर्ने कार्यतालिका तय गरिएको छ ।