साताभर १२.७८ अंकले बढ्यो नेप्से, कुन दिनको कारोबार कति ?

काठमाडौँ । यस साता नेप्से परिसूचक १२.७८ अंकले बढेर २६५४.९३ विन्दुमा आईपुगेको छ। गत साता २६४२.१५ विन्दुमा बन्द भएको नेप्से यो साता १२.७८ अंक बढेर २२६५४.९३ विन्दुमा पुगेको हो । यस साता पाँचै कारोबार दिन बजार खुलेको थियो। जसमा चार कारोबार दिन नेप्से बढेको थियो भने एक कारोबार दिन मात्र नेप्से घटेको थियो ।

यस साता औसतमा ५ अर्ब १२ करोड ५ लाख रुपैयाँको कारोबार भएको छ । आइतबार ६ अर्ब ६९ करोड ९७ लाखको सेयर कारोबार भएकोमा सोमबार ५ अर्ब १३ करोड ८६ लाखको र मंगलबार ५ अर्ब १३ करोड ८६ लाखको सेयर कारोबार भयो । यस्तै, बुधबार ४ अर्ब ४५ करोड ११ लाखको र ४ अर्ब १७ करोड ४६ लाखको सेयर कारोबार भएको थियो ।

साताको पहिलो कारोबार दिन नेप्से २७.५९ अंकले घटेर २६१४.५५ को विन्दुमा कायम भएको थियो । त्यस दिन नेप्सेमा कारोबार भएको ३२४ कम्पनीको १ करोड ५९ लाख ८९ हजार ४३० कित्ता सेयर किनबेच हुँदा ६ अर्ब ६९ करोड ९७ लाख रुपैयाँ माथिको कारोबार भएको थियो ।

साताको दोस्रो कारोबार दिन नेप्से २.४१ अंकले बढेर २६१६.९७ को विन्दुमा कायम भएको थियो । त्यस दिन नेप्सेमा कारोबार भएको ३२९ कम्पनीको १ करोड २६ लाख २१ हजार १८८ कित्ता सेयर किनबेच हुँदा ५ अर्ब १३ करोड ८६ लाख रुपैयाँ माथिको कारोबार भएको थियो ।