काठमाडौँ । अविरल वर्षाका कारण मुग्लिन–नारायणगढ सडकखण्डअन्तर्गत नाम्सी खोला पुलमाथिबाट पहिरो खस्दा सडक अवरुद्ध भएको छ । सडक डिभिजन भरतपुरका अनुसार आइतबार बिहान पहिरो खसेर सडक अवरुद्ध भएको हो । पहिरो हटाउन करिब दुई घण्टा लाग्ने अनुमान गरिएको छ ।

पहिरो हटाउने काम शुरू गरिएको र सडक खुलाउन समय लाग्ने भएकाले उक्त सडकखण्डमा यात्रा गर्ने सवारीसाधन तथा यात्रुलाई आवश्यक सतर्कता अपनाउन आग्रह गरिएको छ । लगातारको वर्षाले देशका विभिन्न भागमा क्षति गरेको छ ।