काठमाडौँ । नेपाल आयल निगमको समन्वयमा आज काठमाडौं उपत्यकाका विभिन्न सात स्थानबाट खाना पकाउने एलपी ग्यास बिक्री गरिने भएको छ ।

अत्यावश्यक अवस्थामा रहेका उपभोक्तालाई लक्षित गर्दै निगमले यो विशेष व्यवस्था मिलाएको हो । ग्यास खरिद गर्नका लागि उपभोक्ताले आफ्नो नागरिकता वा राष्ट्रिय परिचयपत्र अनिवार्य रूपमा साथमा ल्याउनुपर्नेछ ।

ग्यास बिक्री भोलि बिहान ११ बजेदेखि साँझ ५ बजेसम्म सञ्चालन हुनेछ । यसका लागि टेकुस्थित नेपाल आयल निगमको कार्यालय परिसर, चपलीस्थित पशु सेवा शाखा, कीर्तिपुरको राधास्वामी, तारकेश्वर नगरपालिका परिसर, नयाँबजारको जुडो हल परिसर, चन्द्रागिरी नगरपालिका कार्यालय र ठिमीस्थित राष्ट्रिय क्षयरोग केन्द्र तोकिएका छन्। निगमले ती निश्चित स्थानहरूमा विभिन्न ग्यास उद्योगहरूका तर्फबाट सिलिन्डर उपलब्ध गराउने जनाएको छ ।