प्रहरी नियन्त्रणमा परेका पत्रकारहरू रिहा, प्रेस स्वतन्त्रताप्रति सरकार प्रतिबद्ध

काठमाडौँ । प्रहरी नियन्त्रणमा परेका सबै पत्रकारहरू रिहा भएका छन् । सूचना तथा सञ्चारमन्त्री विक्रम तिमिल्सिनाले सामाजिक सञ्जालमार्फत धारणा सार्वजनिक गर्दै पक्राउ परेका पत्रकारहरू रिहा भएको जानकारी दिएका हुन् । सञ्चारमन्त्री तिमिल्सिनाले सरकार प्रेस स्वतन्त्रताप्रति पूर्ण प्रतिबद्ध रहेको उल्लेख गर्दै लेखेका छन्, “पक्राउ परेका सबै पत्रकार रिहा भएका छन्। सरकार प्रेस स्वतन्त्रताप्रति पूर्ण प्रतिबद्ध छ। प्रेस स्वतन्त्रता र जिम्मेवार पत्रकारिता लोकतन्त्रका आधारस्तम्भ हुन्।”

यसअघि प्रधानमन्त्रीको सचिवालयले भने उक्त घटनाबारे प्रधानमन्त्री कार्यालयलाई पूर्वजानकारी नभएको र संलग्नता समेत नरहेको स्पष्ट पारेको थियो।