बालुवाटारमा उच्चस्तरीय बैठक : सम्भावित चुनौतीबारे छलफल

काठमाडौँ । प्रधानमन्त्री सुशीला कार्कीको अध्यक्षतामा बालुवाटारमा उच्चस्तरीय बैठक बसेको छ । बैठकमा गृहमन्त्री ओमप्रकाश अर्याल, गृहसचिव रामेश्वर दंगाल र चारवटै सुरक्षा निकायका प्रमुखहरू सहभागी थिए । करिब दुई घण्टा चलेको बैठकमा सुरक्षा प्रमुखहरूले देशभरको अवस्थाबारे जानकारी दिँदै सम्भावित चुनौती र जोखिमबारे जानकारी दिएका थिए । बैठकपछि गृहमन्त्री अर्यालले पत्रकारहरूसँग कुरा गर्दै सरकारले वर्तमान परिस्थितिको सूक्ष्म मूल्याङ्कन गरेको बताए । उनका अनुसार विभिन्न समूहले प्रदर्शनको तयारी गरिरहेका सूचनाका आधारमा सरकार सतर्क बनेको छ ।

ुराजनीतिक मागहरू जिम्मेवार ढंगले राख्न सबै स्वतन्त्र छन् । तर, अशान्ति वा अराजकता फैलाउने कुनै गतिविधि सह्य हुने छैन,ु गृहमन्त्री अर्यालले भने।
उनले राजनीतिक विषयहरू संवादमार्फत समाधान गर्न सरकार तयार रहेको उल्लेख गर्दै सम्बद्ध पक्षहरूलाई संयमित र जिम्मेवार रूपमा प्रस्तुत हुन आग्रह गरे।

एक्सप्रेस

सम्बन्धित खबर

नेपाल–रुस द्विपक्षीय परामर्श संयन्त्रको तेस्रो बैठक आज

काठमाडौँ । नेपाल र रुसबीचको द्विपक्षीय परामर्श संयन्त्रको तेस्रो बैठक आज काठमाडौंमा बस्दैछ । कूटनीतिक सम्बन्ध स्थापना भएको ७०औँ वर्ष मनाइरहेका बेला हुन लागेको बैठकमा दुई देशबीचको सम्बन्धका विविध आयाममा छलफल हुनेछ ।

बैठकमा नेपाली प्रतिनिधिमण्...

शान्तिपूर्ण निर्वाचनको वातावरण बनाउनु अहिलेको प्रमुख आवश्यकताः संयोजक दाहाल

काठमाडौँ । नेपाल कम्युनिष्ट पार्टी माओवादी केन्द्रका महाधिवेशन आयोजक समितिका संयोजक पुष्पकमल दाहाल ‘प्रचण्ड’ ले सुरक्षित र शान्तिपूर्ण रूपमा निर्वाचन सम्पन्न हुने वातावरण निर्माण गर्नु अहिलेको प्रमुख आवश्यकता रहेको बताएका छन् । शुभ दीपावली, नेपाल संव...