गहुँको समर्थन मूल्यप्रति किसान असन्तुष्ट, लागतसमेत नउठ्ने गुनासो

काठमाडौँ । सरकारले तोकेको गहुँको समर्थन मूल्यप्रति किसानहरूले असन्तुष्टि जनाएका छन् । सरकारले यस वर्ष गहुँको समर्थन मूल्य प्रति क्विन्टल ३ हजार ९४५ रुपैयाँ तोके पनि सो मूल्यले उत्पादन लागतसमेत नउठ्ने किसानहरूको गुनासो छ ।

पछिल्लो समय पेट्रोलियम पदार्थको मूल्यवृद्धिका कारण उत्पादन लागत बढ्दै गएकाले सरकारले निर्धारण गरेको मूल्य व्यवहारिक नभएको किसानहरूको भनाइ छ । महँगी बढिरहेका बेला समर्थन मूल्यले खर्च धान्न नसक्ने अवस्था आएको उनीहरू बताउँछन् ।

सरकारले समर्थन मूल्य निर्धारण गरे पनि कञ्चनपुरस्थित खाद्य व्यवस्था तथा व्यापार कम्पनी लिमिटेडले गहुँ खरिद सुरु नगर्दा किसान थप समस्यामा परेका छन्। खरिद प्रक्रिया ढिला हुँदा किसानहरूले उत्पादन बिक्री गर्न कठिनाइ भोगिरहेको जनाइएको छ ।