माडागास्करमा जेनजी युवाले ल्यायो नयाँ मोड‘

काठमाडौँ । हिन्द महासागरको टापु राष्ट्र माडागास्करमा राष्ट्रपति एन्ड्री राजोएलिना विरुद्ध युवा पूस्ता जेनजी युवाले गर्दै आएको प्रदर्शन झन्(झन् चर्किंदै गएपछि राष्ट्रपति एन्ड्री राजोएलिना देश छाडेर भाग्न बाध्य हुनुभएको छ ।

सन् १९६० मा फ्रान्सबाट स्वतन्त्र भएदेखि बारम्बार जनविद्रोह भोग्दै आएको माडागास्करमा यस पटक युवाले विद्रोहको नेतृत्व गरेको हो । माडागास्करमा दुई हप्तासम्म भएको खानेपानी र बिजुलीको नियमित आपूर्ति कटौती र महगीविरुद्ध भएको प्रदर्शन उहाँको राजीनामा माग्दै झन्(झन् चर्किदै जादाँ राष्ट्रपति एन्ड्री राजोएलिना देशै छाडेर भागेको अन्तर्राष्टिय संचारमाध्यमहरुले उल्लेख गरेका छन् ।

राष्ट्रपति विरुद्ध जेनजीले गर्दै आएको जेनजी माडा’ उपनामको प्रदर्शन सरकारको नियन्त्रण बाहिर गएसँगै ५१ वर्षीय राष्टपति राजोएलिना देश छोडेर भागेका हुन् । सोमबार राति, राजोएलिनाले आफूमाथि कथित ज्यान लिने प्रयास भएपछि ‘सुरक्षित ठाउँ’ मा शरण लिएको बताए पनि सांसदहरूले पद त्यागेको आरोपमा राजोएलिनामाथि महाभियोग लगाउने मतदान शुरु गर्नु केही घण्टाअघि उनले राष्ट्रिय सभा विघटन गर्ने घोषणा गरेक थिए ।

तर उनको घोषणालाई बेवास्ता गर्दै मतदान जारी रह्यो र सांसदहरूले राष्ट्रपतिलाई महाभियोग लगाउने पक्षमा भारी बहुमत ले मतदान गर । यस अघि शनिबार क्यापस्याट नामले परिचित शक्तिशाली सेनाको इकाईका सिपाहीहरूले अप्रत्याशित रूपमा आफ्नो ब्यारेक छोडेर प्रदर्शनकारीहरूको साथ दिएका सिपाहीहरूको विद्रोहको नेतृत्व गरेका कर्णेल माइकल रान्ड्रिनाइरिनाले अहिले स्थानिय संचारमाध्यम मार्फत सेनाले सत्ता सम्हालेको भनि उद्घोष गरेका छन् ।

• बिहि, ३० असोज २०८२