विश्व खाद्य सुरक्षा दिवस : दूषित खानाका कारण बर्सेनि ६० करोड बिरामी, ४ लाखभन्दा बढीको मृत्यु

काठमाडौँ । विश्वभर बढ्दै गएको दूषित खाद्यवस्तुको उपभोग र त्यसले जनस्वास्थ्यमा पारेको गम्भीर असरका बीच आज विभिन्न चेतनामूलक कार्यक्रमका साथ विश्व खाद्य सुरक्षा दिवस मनाइँदै छ । विश्व स्वास्थ्य संगठन डब्ल्युएचओले सार्वजनिक गरेको पछिल्लो भयावह तथ्यांक अनुसार दूषित खाद्यवस्तुका कारण विश्वभर प्रत्येक वर्ष करिब ६० करोड मानिसहरू विभिन्न रोगको सिकार हुने गरेका छन् ।

अझ गम्भीर कुरा त के छ भने, यस्ता खाद्यजन्य रोगहरूका कारण मात्रै विश्वमा वार्षिक रूपमा करिब चार लाख २० हजार जनाले अकालमै ज्यान गुमाउनु परिरहेको छ । सुरक्षित खाद्यवस्तुको महत्त्व र यसको आवश्यकताका बारेमा व्यापक जनचेतना फैलाउन यो दिवसलाई विश्वव्यापी रूपमा उपयोग गरिँदै आएको छ ।