कांग्रेसको विशेष महाधिवेशन नटार्न चेतावनी

काठमाडौँ । नेपाली कांग्रेसका विशेष महाधिवेशन पक्षधर प्रदेश तथा जिल्ला सभापतिहरुले विशेष महाधिवेशन नटार्न चेतावनी दिएका छन् । असोज २८ गतेदेखि बसेको केन्द्रीय कार्यसमिति बैठकले अहिलेसम्म पनि विशेष महाधिवेशनको मिति नतोकेको भन्दै अनेक बहानामा विशेष महाधिवेशन नटार्न चेतावनी दिएका हुन् ।

विज्ञप्ति जारी गर्दै विशेष महाधिवेशन पक्षधरले विभिन्न बहमाना गरेर विशेष महाधिवशेन रोक्ने षड्यन्त्र भइरहेको भन्दै त्यसको निन्दासमेत गरिएको छ । विज्ञप्तिमा विशेष महाधिवेशन रोक्न भन्दा मिति तोकेर जतिसक्यो छिटो महाधिवेशन सम्पन्न गर्न केन्द्रीय कार्यसमितिलाई ध्यानाकर्षण गराइएको छ ।