जेनजी प्रतिवेदन कार्यान्वयन नहुँदा दमन दोहोरियो : जेनजी अगुवा हमाल

काठमाडौँ । जेनजी आन्दोलनका अगुवा रवि किरण हमालले राष्ट्रिय मानव अधिकार आयोगकी आयुक्त लिली थापासँग भेट गरी जेनजी आन्दोलनसम्बन्धी आयोगको प्रतिवेदन कार्यान्वयन, मानव अधिकारको अवस्था तथा राज्यको जवाफदेहिताबारे विस्तृत छलफल गरेका छन् ।

आयुक्त थापाकै संयोजकत्वमा तयार भएको जेनजी आन्दोलनसम्बन्धी आयोगको प्रतिवेदनका सिफारिस प्रभावकारी रूपमा कार्यान्वयन हुन नसक्दा सुरक्षा संयन्त्रमा अपेक्षित सुधार आउन नसकेको र त्यसकै परिणामस्वरूप राज्यको दमनात्मक प्रवृत्ति दोहोरिएको निष्कर्ष छलफलमा निकालिएको जनाइएको छ।

छलफलका क्रममा सुनसरी र सिराहामा सुरक्षा निकायबाट घातक हतियार प्रयोग हुँदा चार जनाको मृत्यु भएको घटनालाई उदाहरणका रूपमा उल्लेख गर्दै आयोगका सिफारिस तत्काल कार्यान्वयन गर्नुपर्ने आवश्यकता झन् बलियो बनेको धारणा व्यक्त गरिएको थियो ।

भेटपछि हमालले आयोगका प्रतिवेदनलाई औपचारिक दस्तावेजका रूपमा सीमित नराखी राज्य सुधारको मार्गदर्शकका रूपमा कार्यान्वयन गर्न सरकार प्रतिबद्ध हुनुपर्ने बताए। उनले मानव अधिकार उल्लङ्घनका प्रत्येक घटनामा सत्य, न्याय र जवाफदेहिता सुनिश्चित गर्नु राज्यको पहिलो दायित्व भएको उल्लेख गर्दै नागरिकको जीवन र अधिकारको संरक्षण नै लोकतान्त्रिक शासनको आधार भएको धारणा व्यक्त गरे ।

एक्सप्रेस

सम्बन्धित खबर

खेलाडीले सहयोग माग्नु हुँदैन, राष्ट्रले जिम्मेवारी लिनुपर्छ

मदन सिंह भाट

युवा नेता र खेलकुद विश्लेषक

नेपाली राष्ट्रिय महिला फुटबल टोलीकी कप्तान तथा देशको गौरव, सावित्रा भण्डारी (साम्बा) अहिले जीवनकै सबैभन्दा कठिन संघर्ष सामना गरिरहेकी छिन्। मैदानमा देशका लागि निरन्तर शतप्रतिशत...