काठमाडौँ । नेकपा एमालेले फागुन २१ गते हुने प्रतिनिधिसभा निर्वाचनका लागि उम्मेदवार सिफारिस प्रक्रिया तीव्र बनाएको छ। सोही क्रममा भक्तपुर निर्वाचन क्षेत्र नम्बर २ बाट एमाले सचिव महेश बस्नेतको नाम एकल रूपमा सिफारिस गरिएको छ ।

बस्नेत २०७४ सालमा सोही क्षेत्रबाट निर्वाचित भए पनि ०७९ को निर्वाचनमा कांग्रेस–माओवादी गठबन्धनसँग पराजित भएका थिए। पछिल्लो समय जेनजी आन्दोलनको नाममा देखिएका अराजक गतिविधिविरुद्ध सक्रिय रूपमा राजनीतिक मैदानमा उत्रिएका बस्नेतको भूमिकालाई पार्टीले सकारात्मक रूपमा मूल्याङ्कन गरेको जनाइएको छ।