काठमाण्डौँ । आगामी २१ फागुनमा हुने प्रतिनिधिसभा निर्वाचनमा भावी प्रधानमन्त्रीका दाबेदारसहित प्रमुख दलका वरिष्ठ नेतादेखि स्वतन्त्रसम्मका केही उम्मेदवारले आफैँलाई भोट दिन नपाउने भएका छन् । आफ्नो मतदाता नामावली रहेको निर्वाचन क्षेत्रभन्दा बाहिरका क्षेत्रबाट उम्मेदवारी दिएकाले उनीहरूले आफैँलाई मतदान गर्न नपाउने अवस्था सिर्जना भएको हो । 

निर्वाचनसम्बन्धी कानुनमा आफ्नो मतदाता नामावली रहेकै क्षेत्रबाट उम्मेदवार बन्नेले मात्रै मतदान गर्न पाउने व्यवस्था छ ।