काठमाडौँ । रसुवा तथा नुवाकोट जिल्लाका हिमताल विस्फोट भई भोटेकोशी नदीमा बाढी आउन सक्ने आशङ्काका बीच जल तथा मौसम विज्ञान विभागले तत्काल त्यस्तो ठूलो बाढी आउन सक्ने सम्भावना नरहेको स्पष्ट पारेको छ । विभिन्न माध्यम र सामाजिक सञ्जालमा फैलाइएका समाचार तथा अफवाहका कारण जनमानसमा त्रास फैलिएपछि जल तथा मौसम विज्ञान विभागअन्तर्गतको महाशाखारकेन्द्रले शुक्रबार राति एक सूचना जारी गर्दै संयमित रहन सर्वसाधारणलाई अपिल गरेको हो ।

विभागका अनुसार नेपाली अधिकारीहरू चिनियाँ समकक्षी निकायहरूसँग निरन्तर प्रत्यक्ष सम्पर्कमा रहेर जल(मौसमसम्बन्धी प्राप्त सूचनाहरूको अनुगमन गरिरहेका छन्। हालसम्म प्राप्त आधिकारिक तथ्याङ्क र प्राविधिक विश्लेषणका आधारमा हिमताल विस्फोट भई नदीमा तत्काल ठूलो बाढी आउने कुनै सम्भावना नदेखिएको केन्द्रले जनाएको छ।