नेपाली बजारमा सुनचाँदीको मूल्यमा भारी गिरावट, सुन तोलाकै ८ हजार दुई सयले घट्यो

काठमाडौँ । नेपाली सुनचाँदी बजारमा आइतबार सुन र चाँदी दुवैको मूल्यमा ठूलो गिरावट आएको छ । नेपाल सुनचाँदी व्यवसायी महासंघले सार्वजनिक गरेको विवरण अनुसार साताको पहिलो कारोबार दिन नै सुनको मूल्यमा अप्रत्याशित रूपमा प्रतितोला आठ हजार दुई सय रुपैयाँको भारी गिरावट दर्ता भएको हो ।

यो ठूलो गिरावट्सँगै आज बजारमा सुनको मूल्य प्रतितोला तीन लाख आठ सय रुपैयाँ कायम भई कारोबार भइरहेको छ । यसअघि भर्खरै बितेको हप्ताको अन्तिम कारोबार दिन अर्थात् शुक्रबार सुन प्रतितोला तीन लाख नौ हजार रुपैयाँको उच्च मूल्यमा कारोबार भएको थियो । सुनसँगै आज चाँदीको मूल्यमा पनि उल्लेख्य गिरावट आएको महासंघले जनाएको छ ।