काठमाडौँ । काठमाडौं उपत्यकाकाको न्यूनतम तापक्रम ह्वात्तै घटेको छ । मौसम पूर्वानुमान महाशाखाका मौसमविद् रोजन लामिछानेका अनुसार आज  बिहान ५ः४५ बजेको मापनमा काठमाडौं उपत्यकाको न्यूनतम तापक्रम ६.२ डिग्री सेल्सियसमा झरेको हो ।

हिजो शुक्रबार यही समयमा उपत्यकाको न्यूनतम तापक्रम ९.० डिग्री सेल्सियस थियो। २४ घण्टामै उपत्यकाको न्यूनतम तापक्रम झन्डै ३ डिग्री सेल्सियस घटेको हो । यद्यपि शुक्रबार बिहान ८ः४५ बजे घटेर ८.६ डिग्री सेल्सियस कायम भएको थियो । आजको पनि आधिकारिक न्यूनतम तापक्रम मौसम महाशाखाले अहिले बिहान ८:४५ बजे सार्वजनिक गर्छ । त्यसबेलासम्म अझ घट्ने सम्भावना हुन्छ।