सरकारले गृहमन्त्री अर्याललाई राष्ट्रिय सभा सदस्यमा गर्‍यो सिफारिस

काठमाडौँ । गृहमन्त्री ओमप्रकाश अर्याल राष्ट्रिय सभा सदस्यमा सिफारिस भएका छन् । आइतबार बसेको मन्त्रिपरिषद्को बैठकले उनलाई रिक्त रहेको एक जना सदस्यका लागि सिफारिस गरेको हो । मन्त्रिपरिषद्को बैठकले उक्त निर्णय गरेको मन्त्री अर्यालले जानकारी दिए । राष्ट्रिय सभा सदस्यमा मन्त्रिपरिषद्को सिफारिसमा नियुक्त हुने एक पद रिक्त रहेको छ ।

सोही पदमा सरकारले अर्यालको नाम सिफारिस गरेको हो । योसँगै अर्याललाई अब बन्ने सरकारमा मन्त्री बन्ने बाटोसमेत खुलेको छ । मन्त्री अर्यालले जेन(जी आन्दोलनको जाँचबुझ आयोगको प्रतिवेदन मन्त्रिपरिषद्मा लैजाने निर्णय भएकोसमेत बताए । उनले आइतबार भएका निर्णयको विस्तृत जानकारी सोमबार दिनेसमेत बताए ।