काठमाडौँ । रसुवाको भोटेकोशी र त्रिशूली नदीमा आएको विनाशकारी बाढीबाट प्रभावित नागरिकलाई सामान्य जीवनयापनमा फर्काउन पूर्वाधार विकास मन्त्रालयले एक विशेष कार्यदल गठन गरेको छ । मन्त्रालयले २१ दिनभित्र प्रारम्भिक पुनःस्थापना तथा आवश्यक व्यवस्थापनका काम द्रुत गतिमा अघि बढाउने गरी कार्यदललाई जिम्मेवारी सुम्पेको हो ।

उक्त कार्यदलले बाढी प्रभावित क्षेत्रमा क्षति पुगेका सडक, पुल, खानेपानी, पुनर्वास, झोलुङ्गे पुल, सञ्चार तथा स्वास्थ्यलगायतका अत्यावश्यक पूर्वाधारको पहिचान, भग्नावशेष व्यवस्थापन र कार्यान्वयनमा सहजीकरण गर्नेछ ।