काठमाडौँ । निर्वाचन आयोगका कार्यवाहक प्रमुख आयुक्त रामप्रसाद भण्डारीले स्थानीय तह र प्रदेशसभा सदस्यको निर्वाचन एकैपटक गर्न आवश्यक रहेको बताएका छन् । बिहीबार प्रतिनिधिसभाको समानुपातिकतर्फ निर्वाचित सांसदहरूलाई प्रमाणपत्र वितरण कार्यक्रममा बोल्दै उनले २०८४ सालमा हुने दुवै निर्वाचन एउटै मितिमा सम्पन्न गर्नुपर्ने धारणा राखेका हुन् । उनका अनुसार यसो गर्दा निर्वाचन खर्च घट्ने र प्रक्रिया प्रभावकारी हुने अपेक्षा गरिएको छ ।

भण्डारीले आगामी १३–१४ महिनाभित्र स्थानीय तहको निर्वाचन गर्नुपर्ने र प्रदेशसभा निर्वाचन २०८४ मंसिरमा तय रहेको जानकारी दिए। यी दुई निर्वाचनलाई एउटै समयमा सम्पन्न गर्न सकिए मितव्ययी हुने उनको तर्क छ ।