आईपीओ निष्कासनमा कडाइ, नेटवर्थ १०० रुपैयाँभन्दा कम भए अनुमति नपाइने

काठमाडौँ । नेपाल धितोपत्र बोर्ड सेबोनले प्रारम्भिक सार्वजनिक निष्कासन आईपीओ स्वीकृतिको मापदण्ड थप कडा बनाउने तयारी गरेको छ। बोर्डले सार्वजनिक निष्कासनको सामान्य योग्यतासम्बन्धी निर्देशिका, २०८३ को मस्यौदा सार्वजनिक गर्दै प्रतिशेयर अंकित मूल्यभन्दा कम नेटवर्थ भएका कम्पनीलाई आईपीओ निष्कासनको अनुमति नदिने प्रस्ताव अघि सारेको हो ।

प्रस्तावित व्यवस्थाअनुसार प्रतिशेयर नेटवर्थ १०० रुपैयाँभन्दा कम भएका कम्पनी आईपीओका लागि अयोग्य हुनेछन् । यसअघि अघिल्लो प्रतिनिधिसभाअन्तर्गतको सार्वजनिक लेखा समितिको निर्देशनका आधारमा ९० रुपैयाँभन्दा कम प्रतिशेयर नेटवर्थ भएका कम्पनीलाई आईपीओ अनुमति नदिइँदै आएको थियो। अब त्यसलाई थप कडाइ गर्दै अंकित मूल्यकै स्तरमा नेटवर्थ कायम हुनुपर्ने व्यवस्था प्रस्ताव गरिएको हो।