सेयर बजारमा भारी गिरावट, ९ अर्बमा झर्यो कारोबार

काठमाडौँ । बिहीबार सेयर बजारमा गिरावट आएको छ । आज नेप्से परिसुचक ३३.८३ अंकले घटेर २,८३३.०३ विन्दुमा बन्द भएको छ, जुन १.१८ प्रतिशतको कमी हो । आज कुल २ करोड ७ लाख ४३ हजार ८८४ कित्ता सेयर किनबेच हुँदा कारोबार रकम ९ अर्ब ३१ करोड २८ लाख ६१ हजार रुपैयाँ पुगेको छ।

कारोबार भएका कम्पनीहरूमध्ये ३१ कम्पनीको शेयर मूल्य बढेको छ भने २३६ कम्पनीको घटेको छ । तीन कम्पनीको शेयर मूल्य भने यथावत् रहेको छ ।

आज सबैभन्दा बढी कारोबार रिलायन्स स्पिनिङ मिल्सको भएको छ । जसको कारोबार रकम ६१ करोड ८० लाख रुपैयाँ नाघेको छ । त्यसैगरि नेशनल हाइड्रोपावरको ५५ करोड ५९ लाख, एसवाइए प्यनलको ५१ करोड ६० लाख रुपैयाँ, सोलु हाइड्रोपावरको ३२ करोड ४० लाख रुपैयाँ र रिडी पावरको ३१ करोड ७५ लाख रुपैयाँभन्दा बढीको कारोबार भएको छ ।