काठमाडौँ । चलचित्र ‘लालीबजार’ प्रदर्शनको पूर्वसन्ध्यामा कानुनी विवादमा तानिएको छ । बादी समुदायको आत्मसम्मानमा चोट पुगेको भन्दै दायर रिटमाथि सुनुवाइ गर्दै उच्च अदालत पाटनले वैशाख २२ गतेसम्म फिल्म प्रदर्शन नगर्न अल्पकालीन अन्तरिम आदेश दिएको हो ।

डा रोशनी नेपालीले फिल्मले समुदायको पीडालाई गलत ढंगले प्रस्तुत गरेको आरोप लगाएकी छन् । अदालतले दुवै पक्षलाई छलफलका लागि बोलाएको छ ।

निर्माण पक्षले यथार्थमा आधारित कथा भएको दाबी गरे पनि विवादका कारण फिल्मको भविष्य अन्योलमा परेको छ । यसैबीच, सिनेकर्मीहरूले सिर्जनात्मक स्वतन्त्रताको पक्षमा माइतीघरमा विरोध प्रदर्शन गरेका छन् ।