जापानको आणविक मोह प्रति रुसको कडा चेतावनी

काठमाडौँ । जापानले आणविक हतियार प्राप्त गर्ने विषयमा आन्तरिक छलफल सुरु गरेको भन्दै रुसले त्यसको कडा शब्दमा विरोध गरेको छ । रुसी उप विदेशमन्त्री आन्द्रे रुडेन्कोले जापानको यस्तो कदमले उत्तरपूर्वी एसियाको सुरक्षा सन्तुलन बिगार्ने चेतावनी दिएका हुन् ।

तास समाचार एजेन्सीसँग कुरा गर्दै रुडेन्कोले भने, मस्को जापानमा चलिरहेको गैर(परमाणु सिद्धान्तहरूसँग सम्बन्धित संवैधानिक प्रावधानहरूमा सम्भावित परिवर्तनको छलफलका बारेमा जानकार छ । हामी यस विषयमा स्पष्ट रूपमा चासो व्यक्त गर्दछौँ र यसको आलोचना गर्दछौँ। उहाँले जापानको सैन्यीकरणले यस क्षेत्रको अवस्था अझ खराब बनाउने र यसले खतरा महसुस गर्ने देशहरूबाट कडा प्रतिकार निम्त्याउने समेत बताए ।

यस हप्ताको सुरुमा जापानको प्रधानमन्त्री कार्यालयका एक उच्च अधिकारीले जापानसँग आणविक हतियार हुनुपर्ने धारणा राखेका थिए । यो जापानको लामो समयदेखिको संवैधानिक गैरआणविक सिद्धान्त र अडान विपरीत रहेको भन्दै अन्तर्राष्ट्रिय स्तरमा यसले विवाद सिर्जना गरेको छ । दोस्रो विश्वयुद्धपछि जापानले आणविक हतियार नबनाउने, नराख्ने र भित्र्याउन नदिनेु नीति लिँदै आएको छ ।