सुर्खेत । कर्णाली प्रदेशसभाबाट पहिलो पटक सङ्कल्प प्रस्ताव पारित गरिएको छ । कर्णाली प्रदेशका हिमाली जिल्लाको नियमित हवाई उडान गर्ने सङ्कल्पसहितको ६ बुँदे प्रस्ताव पारित गरिएको हो ।

कर्णाली प्रदेशसभाको शुक्रबारको बैठकमा नेपाली कांग्रेसका प्रमुख सचेतक हिक्मतबहादुर विष्टले सभामा ६ कुँदे सङ्कल्प प्रस्ताव पेस गरेका थिए । जुम्लाबाट निर्वाचित एमाले सांसद टेकराज पछाइ र कालिकोटकी दक्षिणा शाहीले समर्थन गरेपछि प्रदेशसभामा छलफल भएको प्रस्ताव सभाले सर्वसम्मत पारित गरेको हो ।