काठमाडौँ । काठमाडौँ उपत्यकामा बढ्दो गुन्डागर्दी र सर्वसाधारणमाथि हुने अवाञ्छित गतिविधि नियन्त्रण गर्न प्रहरीले विशेष ‘स्वीप अपरेसन’ सञ्चालन गरेको छ । काठमाडौँ अपराध अनुसन्धान कार्यालयको टोलीले गएराति उपत्यकाका विभिन्न स्थानमा छापा मार्दै कम्तीमा १७ जनालाई पक्राउ गरेको छ ।

पक्राउ पर्नेमा बौद्ध क्षेत्रमा सक्रिय प्रविण तामाङ, कलंकी–बाफल क्षेत्रमा गुन्डागर्दीमा संलग्न बिर्जु महर्जन र कलंकी बस टिकट काउन्टर तथा पेट्रोल पम्प आसपास आतंक मच्चाउने सुजन कार्की रहेका प्रहरीले जनाएको छ ।

स्यूचाटार क्षेत्रमा सक्रिय सरु हुमागाइ, सञ्जिव लामा, सुरेश गिरी र अशोक गिरी पनि पक्राउ परेका छन् । उनीहरू स्थानीय क्षेत्रमा धम्की, असुली र अवैध गतिविधिमा संलग्न रहेको आरोपमा नियन्त्रणमा लिइएको प्रहरीले जनाएको छ ।