काठमाण्डौँ । डोटीमा मोटरसाइकलको ठक्करले पैदलयात्रीको मृत्यु भएको छ । शिखर नगरपालिका–१० बान्डुङग्रीसैनमा सुपप्र।०१०१३प १२ नम्बरको मोटरसाइकलको ठक्करबाट सोही ठाउँकी ६८ वर्षीया तारादेवी बलायरको मृत्यु भएको हो ।

जिल्ला प्रहरी कार्यालयका अनुसार केआईसिंह राजमार्गमा धनगढीबाट दिपायलतर्फ जाँदै गरेको मोटरसाइकलले बाटो काट्ने क्रममा बलायरलाई ठक्कर दिएको थियो । गम्भिर घाइते उनको स्थानीय मेडिकलमा सामान्य उपचारपछि थप उपचारको लागि डडेल्धुरा अस्पताल डडेल्धुरा लगिएको थियो ।  

उपचारको क्रममा शुक्रबार राति ७ बजे उनको मृत्यु भएको प्रहरीले जनाएको छ । मोटरसाइकल चालक डोटी दिपायल सिलगढी नगरपालिका–२ खुल्लेकका २६ वर्षीय  मोहन बोगटी र मोटरसाइकल पछाडी सवार सोही ठाउँका ३६ वर्षीय राम बोगटीलाई नियन्त्रणमा लिएर अनुसन्धान भइरहेको प्रहरीले जनाएको छ ।