ओलीका स्वकीय सचिवको अकुत सम्पत्तिको चाङ, अनुसन्धान रोक्न अख्तियारलाई ओलीको निरन्तर दबाब

काठमाण्डौँ । आफ्नै स्वकीय सचिव राजेश बज्राचार्यको कारणले नेकपा एमालेका अध्यक्ष केपी शर्मा ओली यतिबेला तनावमा परेका छन् । लामो समयदेखि शक्तिको केन्द्रमा रहेर काम गरेका बज्राचार्यमाथि अकुत सम्पत्ति आर्जन गरेको भेटीएपछि अख्तियार दुरुपयोग अनुसन्धान आयोगले अनुसन्धान प्रक्रिया अगाडि बढाएको छ ।

तर, आफ्नै विश्वासपात्रमाथि छानबिनले आफूमाथि नै संकट आइलाग्ने भएपछि अध्यक्ष ओलीले अनुसन्धान रोक्न र रफादफा गर्न अख्तियारलाई निरन्तर दबाब दिइरहेको खुलेको छ । स्रोतका अनुसार अख्तियार प्रमुख प्रेम राई र अन्य आयुक्तमाथि ओलीले निकै ठूलो दबाब सृजना गरेका छन् । स्रोतको दाबी अनुसार ओलीले मैले नियुक्ति नदिएको भने तिमीहरूको हालत के हुन्थ्यो भन्ने सम्मका शब्द प्रयोग गरेका छन् ।