कक्षा १२ को नतिजा प्रकाशनमा गम्भीर त्रुटि भएको भन्दै ११ विद्यार्थी संगठनको आपत्ति

काठमाडौँ । कक्षा १२ को परीक्षाफल प्रकाशनमा देखिएको गम्भीर प्राविधिक त्रुटि तथा केही समयअघि प्रकाशित एसईईको नतिजामा देखिएका कमजोरीहरूलाई लिएर विभिन्न ११ विद्यार्थी संगठनले कडा आपत्ति जनाएका छन् ।

नेपाल विद्यार्थी संघ ९नेविसंघ०, अनेरास्ववियु र अखिल क्रान्तिकारीलगायतका ११ विद्यार्थी संगठनले आज संयुक्त विज्ञप्ति जारी गर्दै नतिजा प्रकाशनमा गरिएको लापरबाहीप्रति आक्रोश व्यक्त गरेका हुन् । छिटो नतिजा प्रकाशन गर्ने हतारोमा विद्यार्थीको भविष्यमाथि नै खेलबाड गरिएको आरोप लगाउँदै उनीहरूले शिक्षा मन्त्रालय र राष्ट्रिय परीक्षा बोर्डको कार्यशैलीप्रति प्रश्न उठाएका छन् ।