वाम एकता होइन, सुधारिएको एमाले बनाऔँ : सुरेन्द्र पाण्डे

काठमाडौँ । नेकपा एमालेका नेता सुरेन्द्र पाण्डेले पार्टीको एकताभन्दा पनि पार्टीको सुधारमा ध्यान दिनुपर्ने बताएका छन् । उनले पार्टीको पुनर्निर्माणमा विशेष गरी युवा पुस्तालाई सामेल गरिनु अत्यन्त आवश्यक रहेको धारणा व्यक्त गरे ।

पाण्डेले सामाजिक सञ्जालमार्फत सार्वजनिक गरेका भनाइहरूमा वाम एकताको तात्कालिक दौडधुपको औचित्य र आवश्यकता माथि गम्भीर प्रश्न उठाएका छन् । उनले भने, हिजो पद प्राप्तिका लागि एकता गरियो, आज सायद आफ्नो गुम्दो अस्तित्व जोगाउन।

नेकपा एमालेको ऐतिहासिक विरासत र बलियो आधारलाई स्वीकार्दै, उनले तात्कालिक राजनीतिक लाभको सट्टा दीर्घकालीन योजना र पार्टीको सशक्तिकरणका लागि सोच्न आग्रह गरे। दीर्घकालसम्म यसलाई कसरी सशक्त र एकताबद्ध राख्ने भन्ने सोच्न जरुरी छ, पाण्डेले भने ।