प्रधानमन्त्रीको राजीनामा माग गर्दै निकोलस भुसाल आमरण अनसनमा

काठमाडौँ । प्रधानमन्त्री सुशीला कार्कीको राजीनामा माग गर्दै डा निकोलस भुसालले आमरण अनसन सुरु गरेका छन् । भुसालले मंगलबार ८ पुस राति १० बजेदेखि माइतीघरमा आमरण अनसन सुरु गरेका हुन् । जेनजी अगुवा मिराज ढुंगानाको समूहले प्रधानमन्त्रीको राजीनामा माग गर्दै पुस ७ र ८ गते गरेको प्रदर्शनमा भुसाल पनि सहभागी थिए ।

ढुंगाना समूहले १० बुँदे मागसहित आन्दोलन सुरु गरेको थियो । ढुंगाना– निकोलसको समूहले समूहले प्रधानमन्त्री सुशीला कार्कीको राजीनामा माग गरेको छ । यस्तै जेनजी आन्दोलनमा युवाहरुको हत्या गर्नेलाई कारबाही गर्न माग गरेको छ । उनीहरूले प्रधानमन्त्री कार्कीले राजीनामा दिएर सर्वपक्षीय सरकार गठन हुनुपर्नेमा जोड दिएका छन् ।