मुग्लिङ । भोटेकोशी नदीमा आएको बाढीले बगाएर ल्याएका ग्यास सिलिन्डर निकालेर लगेका स्थानीयलाई प्रहरीले ती सिलिन्डर फिर्ता गर्न आग्रह गरेको छ । प्रहरीले मुग्लिङ क्षेत्रमा माइकिङ गर्दै बाढीले बगाएर ल्याएका ग्यास सिलिन्डर तथा अन्य सामग्री आफूसँग नराखी सम्बन्धित निकायलाई फिर्ता गर्न आग्रह गरेको हो ।

प्रहरीले सिलिन्डर फिर्ता नगरेको पाइएमा कानुनअनुसार कारबाही गर्ने चेतावनीसमेत दिएको छ । बाढीका कारण विभिन्न स्थानबाट बगाएर ल्याइएका सामान फेला परेमा आफूखुसी लैजान तथा प्रयोग नगर्न प्रहरीले स्थानीयलाई सचेत गराएको छ ।