सोमबार, ०७ वैशाख २०८३
नेपाली

खाइराइड हास्यव्यङ्ग्य निबन्ध प्रतियाेगिता पुरस्कार समर्पण

Main News Image

मिडियाबाजी डटकम,काठमाडाैँ, २०८२ पुस १३ । नेपाली हास्यव्यङ्ग्य साहित्यको उन्नयन र विकासका लागि हास्यव्यङ्ग्यकार राजेन्द्र कार्कीद्वारा स्थापना गरिएको ‘खाइराइड हास्यव्यङ्ग्य पुरस्कार‘ २०८२ विशेष समाराेहकाे आयाेजना गरी समर्पण गरियाे । 


गत मङ्सिर १, २०८२ को समय अवधि तोकी विद्यालय तहको ‘हास्यव्यङ्ग्य निबन्ध प्रतियोगिता–२०८२ का लागि बाङ्गा अक्षरले निबन्ध आह्वान गरेको थियो ।

देश भरिका कक्षा १२ सम्म अध्ययनरत विद्यार्थीबाट प्राप्त निबन्धको मूल्याङ्कनको आधारमा प्रथम, द्वितीय र तृतीय स्थान प्राप्त गर्ने छात्रछात्राहरूलाइ सम्मान पत्र सहित नगद रकम हस्तान्तरण गरिएकाे हाे ।


प्रथम कुसुम घिमिरे (काभ्रे इङ्लिश माध्यामिक विद्यालय, पनौती काभ्रे ) लाई प्रथम पुरस्कार (नगद रू. २०,०००) सहित सम्मानपत्र प्रदान गरियाे भने द्वितीय पुरस्कार साइमन घिमिरे (डियरवाक सिफल स्कुल, सिफल काठमाडौं) लाइ (नगद रू. १०, ०००) सहित सम्मान पत्र प्रदान गरियाे ।


त्यसैगरी अनुश्री आचार्य (डियरवाक सिफल स्कुल, सिफल काठमाडौं) र विनिता प्रधान (सिद्देश्वर माध्यामिक विद्यालय दाँवा, भोजपुर) लाइ (जनही नगद रू. ५ /५ हजार) प्रदान गरियाे । विनिता प्रधानकाे पुरस्कार रकम र सम्मान पत्र विद्यालयमै कार्यक्रम अायाेजना गरि हस्तान्तरण गरिने आग्रह भएकाे हुँदा सम्बन्धित विद्यालयमा पठाइ सकिएकाे जानकारी दिइयाे । पुरस्कृत छात्रछात्रालाइ फित्काैलीद्वारा प्रकाशित हास्यव्यङ्ग्य कृतिहरू उपहारसमेत प्रदान गरिएकाे थियाे ।


अमेरिकामा क्रियाशील हास्यव्यङ्ग्य संस्था बाङ्गा अक्षर नेपाल शाखाका अध्यक्ष डिल्लीप्रसाद मूलतिहूनकाे सभापतित्वमा सम्पन्न समाराेहकाे प्रमुख अतिथि हुनुहुन्थ्याे फित्काैली डटकमका प्रधान सम्पादक एवम् हास्यव्यङ्ग्यकार नरनाथ लुइँटेल । 


अन्य अतिथिहरूमा प्राज्ञ श्याम तमाेट, हास्य कलाकार मनाेज गजुरेल र सुवाेध गाैतम, डा. टिका लम्साल, चण्डी कार्की लगायत हुनुहुन्थ्याे ।

डा. टिका लम्सालले बाङ्गा अक्षरकाे उपस्थिति र खाइराइड पुरस्कार स्थापनाकाे उद्धेश्यमाथि प्रकाश पार्दै स्वागत मन्तव्य राख्नु भएकाे थियाे ।


पुरस्कार अर्पण अगाडि हास्यव्यङ्ग्यकार तथा सिस्नुपानी नेपालका अध्यक्ष एवम् रचना मूल्याङ्कन समितिका संयाेजक लक्ष्मण गाम्नाङ्गेले तयार गरेकाे समीक्षात्मक टिप्पणी अनिल पाैडेलले वाचन गर्नु भएकाे थियाे । कार्यक्रममा श्याम तमाेट र चण्डी कार्कीले पुरस्कृत छात्रछात्रा एवम् सहभागी विद्यालय परिवारप्रति बधाइ र शुभकामना व्यक्त गर्नुभएकाे थियाे ।


प्रमुख आतिथेय मन्तव्यका क्रममा हास्यव्यङ्ग्यकार नरनाथ लुइँटेलले खाइराइड हास्यव्यङ्ग्य पुरस्कार नेपाली हास्यव्यङ्ग्यकै पुनर्जागरणमा एउटा महत्वपूर्ण कडी हुनेछ भन्ने विश्वास व्यक्त गर्दै यसले हाम्रो युवा पुस्तामा हास्यव्यङ्ग्य लेखनप्रति अभिरूचि जगाउँन र अभिप्रेरित गर्न सफल होस् भनी बाङ्गा अक्षर परिवार र खासगरी पुरस्कार संस्थापक राजेन्द्र कार्कीलाई विशेष शुभकामना व्यक्त गर्नु भएकाे थियाे। 


कार्यक्रममा हास्यकलाकार मनाेज गजुरेल र सुवाेध गाैतमले प्रस्तुत गरेका हास्यव्यङ्ग्यमूलक प्रस्तुतिले सभाकक्ष हाँसाेमय बनेकाे थियाे । पुरस्कृत छात्रछात्राहरूकाे निबन्धहरूकाे उनीहरूबाटै वाचन गरिनुका साथै चक्र दवाडी, अनिता काेइराला र अनिल पाैडेलले व्यङ्ग्यात्मक कविता प्रस्तुत गर्नुभएकाे थियाे ।


हास्यव्यङ्ग्यकार तथा सिस्नुपानी नेपालका अध्यक्ष लक्ष्मण गाम्नाङ्गे, कवि तथा साहित्यकार डा. ऋषि बस्ताकोटी र हास्यव्यङ्ग्यकार गायत्री लम्साल रहनु भएको मूल्याङ्कन समितिले गरेको मूल्याङ्कनका अधारमा प्रथम, द्वितीय र तृतीय घोषणा गरि पुरस्कृत गरिएकाे हो ।


कार्यक्रमकाे अन्त्यमा डा. ऋषि बस्ताकाेटीकाे पानीको रङ्ग – कवितासङ्ग्रहको प्रोत्साहन पुरस्कार स्वरूप डियरवाक सिफलका १२ जना छात्रछात्रालाइ प्रमुख अतिथि नरनाथ लुइँटेल मार्फत हस्तान्तरण गरिएकाे 

थियाे । हास्यव्यङ्यप्रेमीहरूकाे उल्लेख्य सहभागिता रहेकाे समाराेहलाइ अनिल पाैडेलले सञ्चालन गर्नुभएकाे थियाे भने फित्काैली डटकमले आफ्नाे फेसबुक पेज (fitkauli) बाट लाइभ प्रशारण गरेकाे थियाे ।

mediabaaji add

सम्बन्धित खबर

डाक्टर,इन्जिनियर र प्रहरीलाई चिनेझैँ लेखकलाई पनि चिन्नु अनिवार्य छ :-कुलपति राई

© प्राज्ञ चेतनाथ धमला

मिडियाबाजी डटकम काठमाडौँ ,मंसिर २४। सोलुखुम्बु । सोलुखुम्बुको महाकुलुङ गाउँपालिका बुङस्थित सगरमाथा माध्यमिक विद्याल...

गीतकार श्रीराम राईको तेस्रो गीत ‘छैन क्यारे मेरो लागि दुख्ने मुटु पनि’ सार्वजनिक

मिडियाबाजी डटकम काठमाडौँ,पौष १२। गीतकार श्रीराम राईको तेस्रो गीत ‘छैन क्यारे मेरो लागि दुख्ने मुटु पनि’ ओसियन म्युजिक नेपालको युट्युब च्यानलबाट सार्वजनिक भएको छ। ओमप्रकाश राईको संगीत रहेको उक्त गीतलाई गाय...

इतिहास खोजमा नयाँ पुस्तालाई प्रेरित गर्न जोड दिँदै इतिहासशिरोमणि बाबुराम आचार्यको १३९ ओैँ जन्मजयन्ती सम्पन्न !

दुर्बिन शर्मा 'विवेक'

काठमाडौँ । इतिहासशिरोमणि बाबुराम आचार्यको १३९औँ जन्मजयन्तीको अवसरमा “बाबुराम आचार्य र नेपालको इतिहास” विषयक विचार–गोष्ठी प्रज्ञा-प्रतिष्ठानमा सम्पन्न भएको छ । नेपाल प्रज्ञा–प्रतिष्ठान र इतिहासशिरोमणि बाबुराम आचार्य...

प्रज्ञा-प्रतिष्ठानमा पुरानादेखि नयाँ सम्मका पुस्तक प्रदर्शनी

मिडियाबाजी काठमाडौँ ।२०८२ पुस १४ गते आइतबार ।"सबै भाषा,सबै ज्ञान,सबैको प्रज्ञा-प्रतिष्ठान"भन्ने उद्घोषसहित नेपाल प्रज्ञा-प्रतिष्ठानका कुलपति भूपाल राईले प्रतिष्ठानको भानुभक्त कक्षमा पुस्तक प्रदर्शनीको समुद्घाटन रातो रिबन काटेर गर्नुभएको थियोे।...

'मातृभाषा राष्ट्रिय कविता महोत्सव २०८२' सम्पन्न

 प्राज्ञ चेतनाथ धमला

काठमाडौँ। नेपाल प्रज्ञा-प्रतिष्ठानले अन्तर्राष्ट्रिय मातृभाषा दिवस -२०२६को आयोजना गरेको थियोे। कार्यक्रमको सुरुमा काठमाडौँको कमलादी, घण्टाघर ,रत्नपार्क र दरबारमार्ग लगायतका स्थानको परिक्रमा विभिन्न जनजाति र मातृभाषा...

भक्तपुरमा मुक्तक लेखन तथा वाचन कार्यक्रम सम्पन्न !


• दुर्बिन शर्मा 'विवेक'

भक्तपुर ।मुक्तकसागर र प्रोक्सिमा इन्टरनेसनल एकेडेमीको संयुक्त आयोजनामा विद्यार्थीहरूबिच मुक्तक लेखन तथा वाचन प्रतियोगिता कार्यक्रम सम्पन्न भएको छ।

     कार्यक्रमको सञ्चालन एकेडेमीका रा...