काठमाडौँ । फ्लाई दुबईले आज राति दुबई–काठमाडौं-दुबई मार्गमा उडान सञ्चालन गर्ने भएको छ । त्रिभुवन अन्तर्राष्ट्रिय विमानस्थल कार्यालयका अनुसार शनिबार अमेरिका र इजरायलको संयुक्त सैन्य आक्रमणपछि पैदा भएको तनावका कारण उक्त क्षेत्रका ९ मुलुकले हवाई मार्गमा उडान रोकेको थियो ।

बुधबार राति खाडीबाट सञ्चालनमा आउने यो पहिलो नियमित उडानमध्ये एक हुनेछ । सामान्य अवस्थामा फ्लाई दुबईले नेपालका लागि दैनिक तीन उडान संचालन गर्छ । विमानस्थलका अनुसार, क्षेत्रीय हवाई मार्ग बन्द हुँदा खाडीका ७ वटा एयरलाइन्सका करिब ७० उडान रद्द भएका थिए । सुरक्षा मूल्यांकन र आवश्यक सावधानी अपनाएर केही एयरलाइन्सले क्रमशः उडान फेरि सुरु गरेका छन् । यसैअनुसार नेपालका लागि उडान पनि खुला हुने भएको हो ।

फ्लाई दुबईले यात्रुलाई उडान समय र विवरणको लागि सम्बन्धित एयरलाइन्सको कार्यालय वा ट्राभल एजेन्सीसँग प्रत्यक्ष सम्पर्क गर्न सुझाव दिएको छ ।