काठमाडौं । नेकपा एमालेले नीति अनुसन्धान प्रतिष्ठानको प्रमुखबाट ईश्वर पोखरेललाई हटाएको छ। च्यासलमा बसेको सचिवालय बैठकले पोखरेलको स्थानमा विष्णु रिमाललाई जिम्मेवारी दिने निर्णय गरेको हो । हालै सम्पन्न ११औँ महाधिवेशनमा पोखरेल अध्यक्ष पदका उम्मेदवार बनेका थिए। अध्यक्ष केपी शर्मा ओलीविरुद्ध उम्मेदवारी दिएका नेताको जिम्मेवारी खोसिएको यो पहिलो घटना भने होइन । यसअघि १०औँ महाधिवेशनमा ओलीविरुद्ध उभिएका भीम रावल पनि जिम्मेवारीबाट हटाइएका थिए ।

सचिवालय बैठकमा अध्यक्ष ओलीले नै जिम्मेवारी हेरफेरको प्रस्ताव गरेका थिए। उपमहासचिवमा उम्मेदवार बनेर पराजित भएका विष्णु रिमाललाई संगठनात्मक जिम्मेवारी दिनुपर्ने तर्क ओलीले राखेका थिए ।