अस्ट्रेलियामा अनियन्त्रित कार घर भत्काउँदै भित्र पस्यो, सुतिरहेकी नेपालीको मृत्यु

काठमाडौँ । अस्ट्रेलियामा अनियन्त्रित कार घरभित्र पस्दा घरमा सुतिरहेको नेपाली महिलाको ज्यान गएको छ । शुक्रबार राति छोरीको घरमा सुतिरहेकी विष्णुकुमारी गुरुङको दुर्घटनामा मृत्यु भएको हो । परिवारका अनुसार उनी ३ दिन अघि मात्र नेपालबाट अस्ट्रेलिया पुगेकी थिइन् ।

मृतक नेपाली महिला ५३ वर्षीया विष्णु कुमारी गुरुङलाई हिमाली नामले पनि चिनिन्थ्यो । उनी नेपालबाट पर्थ पुगेको तीन दिनमै रिभरभेलस्थित युनिटमा सुतिरहेको बेला कार ठोक्किँदा ज्यान गुमाइन्। पुलिसका अनुसार पहेँलो रंगको फोर्ड फल्कन सेडान एलेक्जान्डर रोडमा गुडिरहेको बेला सडक छाडेर राति करिब ११स्४० बजे घरमा ठोक्किएको थियो। गुरुङको घटनास्थलमै मृत्यु भएको थियो।

आइतबार दिउँसो उनकी छोरी निशाले सञ्चारमाध्यमलाई आफू अझै डरलाग्दो घटनाको सम्झनासँग जुधिरहेको बताइन्। उनले भनिन्, “उहाँ सुरक्षित स्थान ओछ्यानमा सुतिरहनुभएको थियो । हामीसँग सम्झना र माया बाँड्न यहाँ आउनुभएको थियो ।” निशाले आमा मंगलबार मात्र पर्थ आइपुगेको र नातिसँग समय बिताउन चाहेको बताइन्। उनले न्यायको आशा व्यक्त गरिन्।

एक्सप्रेस

सम्बन्धित खबर

सुदूरपश्चिम विश्वविद्यालयको तीन सय बिघा जग्गा अतिक्रमण

कञ्चनपुर । सुदूरपश्चिम विश्वविद्यालयको तीन सय बिघा जग्गा अतिक्रमण भएको छ । सुदूरपश्चिम विश्वविद्यालयका उपकुलपति हेमराज पन्तका अनुसार विश्वविद्यालयको आङ्गिक क्याम्पस टीकापुर बहुमुखी क्याम्पसको तीन सय ८० बिघामध्ये तीन सय...

बञ्चरेडाँडाका स्थानियसँग जनाइएका प्रतिबद्धता कार्यान्वयन गर्दै सरकार, फोहोर व्यवस्थापनमा अवरोध नगर्न मन्त्री घिसिङको आग्रह

काठमाडौँ । सरकारले काठमाडौं उपत्यकाको फोहोर बिजर्सन गर्न बञ्चरेडाँडा ल्याण्डफिल्ड साइटका प्रभावित स्थानीय बासिन्दासँग जनाएका प्रतिबद्धता कार्यान्वयन गर्ने भएको छ । केहि समय अघि बञ्चरेडाँडाका स्थानिय वासिन्दाहरुले...