बाँच्ने भन्दा नि मर्ने , बनाउँछ ऋण लागेपछि

गह भरि आँसु भर्ने, बनाउँछ ऋण लागेपछि

जन्म घर , माया मोह र बुढी आमा छोडेर 

रुदैँ खाडीमा झर्ने , बनाउँछ ऋण लागेपछि

घरबारी सुम्पिएको त्यो ज्याद्रो तमसुक सम्झेर

निल्नु ,ओकेल्नु पर्ने ,बनाउँछ ऋण लागेपछि 

दिनभरिका ती तनाव मेट्न अब म कता जाँउ

सधैं भट्टि बास गर्ने , बनाउँछ ऋण लागेपछि

पैसा छउन्जेल पछि लाग्ने ती मेरा यारहरूलाई

सम्झिदै आँखा तर्ने ,बनाउँछ ऋण लागेपछि

आस्था बोकेर,पुष्प चढाउने त्यो कपट पत्थरमा

दाह्रा किन धर्ने ,बनाउँछ ऋण लागेपछि

शिव गिरी नागार्जुन, काठमाडौँ 

हाल गोञ्जाओ ,चिन