जनकपुरधाम । नेकपा एमालेका पूर्वसांसद लक्ष्मी महतो कोइरी पक्राउ परेका छन् । उच्च अदालत जनकपुरले बुधबार उनलाई पाँच वर्ष कैद सजायको फैसला सुनाएपछि प्रहरीले उनलाई महोत्तरीको गौशालास्थित आफ्नै निवास निगौलबाट पक्राउ गरेको हो ।

थमन विक हत्या प्रकरणमा यसअघि महोत्तरी जिल्ला अदालतले कोइरीलाई सफाइ दिएको थियो । उक्त फैसलाविरुद्ध सरकारी वकिल कार्यालयले उच्च अदालत जनकपुरमा पुनरावेदन दिएको थियो। सोही मुद्दामा उच्च अदालतका न्यायाधीशले जिल्ला अदालतको फैसला उल्टाउँदै कोइरीलाई पाँच वर्ष कैदको सजाय सुनाएको हो ।

अदालतको आदेशलगत्तै प्रहरीले उनलाई पक्राउ गरेको हो ।