काठमाडौँ । राष्ट्रिय विपद् जोखिम न्यूनीकरण तथा व्यवस्थापन प्राधिकरणअन्तर्गत मनसुन प्रतिकार्य कमान्ड पोस्टले रसुवा–भोटेकोशी बाढी प्रभावित क्षेत्रमा हुने अध्ययन तथा अनुसन्धानलाई एकरुपता दिन विशेष टोली गठन गरेको छ । कमान्ड पोस्टको आज बसेको १६ औँ बैठकले प्राधिकरणका सहसचिव प्राविधिकको संयोजकत्वमा रिसोर्स एन्ड निड म्यापिङ टिम गठन गर्ने निर्णय गरेको हो । 

यस टोलीमा विभिन्न सरोकारवाला मन्त्रालय तथा विभागका प्रतिनिधिहरू पनि संलग्न रहनेछन् । बाढी प्रभावित क्षेत्रमा भइरहेका विभिन्न अध्ययन अनुसन्धानका कार्यहरूलाई थप व्यवस्थित, प्रभावकारी र एकरुपता कायम गर्न यो टोली गठन गरिएको प्राधिकरणले जनाएको छ ।