काठमाडौँ । शिक्षामन्त्री महावीर पुनले आफूलाई उद्घाटन, शिलान्यास जस्ता कार्यक्रममा नबोलाइदिन सबैसँग आग्रह गरेका छन् । उनले सामाजिक सञ्जालमार्फत कुनै पनि औपचारिक कार्यक्रममा अतिथी, प्रमुख अतिथी नबनाउन पनि आग्रह गरेका छन् । यस्तै, मन्त्री पुनले आफू उज्वेकिस्तान र नाईजेरियामा भएका कार्यक्रममा समेत नगएको जानकारी दिँदै काम विशेषले विदेश गएका मन्त्रीबारे ‘विदेश घुम्यो भनेर हल्ला नगर्नु होला’ भनेका छन् ।

मन्त्री पुन लेख्छन्, ‘कृपया कसैले पनि र कहीँबाट पनि हालको म मन्त्रीलाई उद्घाटनरशिलान्यास कार्यक्रम, प्रमुख अतिथी हुने जस्ता कुनै पनि औपचारिक कार्यक्रमहरूमा निमन्त्रणा गर्दै नगर्नु होला । म युनेस्को महासभाको उज्वेकिस्तानमा हुने साधारण सभा र ब्रिटिश काउन्सिलले नाईजेरियामा आयोजना गरेको कन्फ्रेन्समा समेत गइन र जाँदैन। जानै पर्ने र नगई नहुने मिटिङहरूमा मात्र केही मन्त्रीज्यूहरू विदेश जानु भएको हो। विदेश घुम्यो भनेर हल्ला नगर्नु होला ।’

शिक्षामन्त्री पुन मन्त्री भएको थोरै समयमा धेरै काम गर्नुपर्ने भन्दै औपचारिक कार्यक्रममा सहभागी हुने गरेका छैनन् भने उनले मन्त्रालयमै खाने बस्ने व्यवस्था मिलाएका छन् ।