काठमाण्डौँ । कार्याक्रमका  कारण  काठमाडौँको प्रदर्शनीमार्ग  हुँदै  चल्ने  सवारी  साधनलाई यतिबेला डाईभर्सन  गरिएको  छ । उक्त  स्थान  हुँदै  चल्ने  सवारी  साधनलाई  पद्मोदयमोड र   सभागृहमोडबाट  डाईभर्सन  गरिएको  हो   । त्यस्तै  र्‍याली भइरहेकाले  टुडिखेल  वरिपरी  भएर चल्ने  सवारी  साधनको आवागमनमा पनि  प्रभाव परेको छ  । 

 सहज  यात्राका लागि  उक्त सडकको  विकल्पमा अन्य   सडकको प्रयोग गर्न ट्राफिक प्रहरीले अनुरोध  समेत गरेको छ । मानिसहरू  भेलाजम्मा भएकोले काठमाडौँको  माईतीघरचोकबाट  सर्भिस  लेन  हुँदै  थापाथलीतर्फ जाने सवारी  साधनलाई मुख्य लेनबाट पठाइएको छ । त्यसैगरी  सामाखुसीचोकमा  र  चावहिलचोकमा पनि मानिसहरू भेलाजम्मा भएकोले सवारी  आवागमनमा केही प्रभाव परेको छ । यसबाहेक काठमाडौँ उपत्यकाको अन्य स्थानको सवारी आवागमन यतिबेला सामान्य रहेको छ । विभिन्न नाकाहरू हुँदै काठमाडौँ उपत्यका भित्रिने र बाहिरिने सवारी साधन पनि सामान्य रुपमा चलिरहेका छन् ।