काठमाडौँ । शेयर बजार लगातार चौथो दिन समेत ओरालो लागेको छ । नेपाल स्टक एक्सचेञ्ज नेप्से ३४.६३ अकंले घटेर २७०४.०८ बिन्दुमा कायम भएको हो । कारोबार रकम समेत निरन्तर ओरालो लागि रहेको छ । आज ३४१ कम्पनीको १ करोड ७४ लाख ५२४ कित्ता शेयर किनबेच हुँदा ४ अर्ब २६ करोड ५३ लाख ९० हजार रुपैयाँको कारोबार भएको हो ।

यसदिन १ कम्पनीको शेयरमा सकारात्मक सर्किट लागेको छ । आज फरवार्ड माइक्रोफाइनान्स समूहको शेयर मूल्यमा सर्किट लागेको हो । साथै, झापा इनर्जीको ७.९९ प्रतिशत, सेन्चुरी डिबेन्चर २०८८ को २.९८ प्रतिशत, एनआईसी एशिया ग्रोथ फण्ड २ को २.७९ प्रतिशतले शेयर मूल्य बढेको छ ।